Su documentariu contat s'istoria de Armando, chi deretu acabada sa gherra li tocat a disterrare dae sa bidda de Seui, in su de intro de Sardigna, pro lompere a Casteddu chirchende unu benidore mėgius.

56 annos in 10mq. Custu su tempus chi tziu Baingiu at coladu in su salone de su barberi suo, una buteghedda in intro de bidda in Tatari. 56 annos in 10mq: diat podere simigiare a una cundenna a s'ergastulu, est imbetzes su tempus e sa mesura de una vida galana.

In unu bidditzolu de sa Sardigna, Tziu Pedru est acante a cròmpere sos chent'annos. Sa bidda est a pistighingiu pro s'eventu, ma su betzu no est chi siat cuntentu. Est solu: Maria, sa mugere amada, si nch'est andada giai dae unos cantos annos e issu non biet s'ora de la sighire.

Antonio Gairo est s'unicu chi est abarradu in vida a pustis de sa disaura terribile chi in su 1964 at colpidu Alos, una bidda de sa Sardigna de mesu chi como est bivia solu dae pantamas.